Veral om God se stem te herken, nader aan Hom te kom en jou geestelike krag te verhoog.
Vas en Gebed as Verwagting: Jesus verwag dat Sy volgelinge moet vas en bid, nie as ‘n
opsionele daad nie, maar as ‘n teken van gehoorsaamheid. Matteus 6:16 sê “wanneer jy
vas,” wat impliseer dat dit ‘n opdrag is van Jesus vir ons as Sy dissipels.
Aktivering van Geestelike Sensitiwiteit:
Wanneer ons vas en bid word ons as gelowiges meer sensitief vir die Heilige Gees se leiding, wat ons in staat stel om God se wil duideliker in ons lewens te onderskei.
Sterf van die “Self”:
Die vas is ‘n manier om die self te “kruisig”, selfsug te onderdruk, en om jouself meer volkome aan Christus te onderwerp.
Nederigheid en Versoening:
Dit is belangrik dat ons nederig is, vrede sal maak met ander, en sal vergewe. Matteus 18:15-17 wys vir ons die
oplossing van konflik en beklemtoon dat geestelike gesag en effektiewe gebed belemmer word as daar onopgeloste konflik of onvergifnis is.
Breek met die verlede:
Vas en gebed help ons om vry te breek van vorige trauma, seer en patrone, wat genesing en geestelike groei moontlik maak.
Afhanklikheid van God:
Vas verskuif ons fokus van die natuurlike na die bonatuurlike, en help ons as gelowiges om ons vertroue en afhanklikheid in God te plaas eerder as op materiële dinge of ons eie vermoëns.
Volharding in Geloof:
Die voorbeeld van Anna uit Lukas 2:36-38 leer ons van standvastigheid in gebed en vasting , en wys ons die waarde van lewenslange getrouheid.
Leave a Reply